Elis Juliana

Papa Dios, duna Fulan
un guitara di bleki spañó
pa ki ora e sinti un doló
ta burdugá den su melodia
e primi ku tur su re mayó
yena su blek’i poesia.

Dun’é tambe un rudia
pa e buta riba su kabes
karga su sabiduria
lenchi ku mashá kuidou
bai basha na lamá.

Danki Papa Dios.
N.B. Ban kanta huntu:
Es prohibido echar
porquería en el mar.

Juliana, Elis. OPI. Fundashon Planifikashon Idioma, 2003.