Fridi Martina

Mi tin gan’i biba na Kòrsou
Mi ke duna tur loke mi tin
Hopi duda, envidia, astusia ta hasi doló
Ku ta stroba nos uni
pa sembra un gran nashon
‘Na mi un man pa mi yuda Kòrsou
Inspirá mi pa mi bolbe kas
Stòp di bende nos awa i nos tera
pa depchi awor
Sera boka di tur ku ta bisa
ku nos lo no por

Ref.
Ai Kòrsou, habri man
mi ke ta bo yu
Ai Kòrsou, kurason
ta bo nifikashon

Rosa mondi pa traha Kòrsou
Krea un mente di boluntat
Hinka man den bo pechu
i paga bo debe awor
Invertí den bo Alma
sklamando pa su libertat

Kòrda riba bo yunan, Kòrsou
Ta nan mes t’ei kuida bo mañan
Sin ehèmpelnan tierno i suave
nan lo likidá nos
ku angua òf mas tristu
negligensia total.

---

Martina, Fridi. Fridi Martina in Good Company: Een Meertalige Bloemlezing Met Gedichten, Liedteksten En Monologen Van Fridi Martina. Edited by Philie van Veen and Elisabeth Agnes Maria Echteld, Carib Publishing, 2019.