Frank Martinus Arion

Mirami
sintá
na Awasá
ta mira barkunan
sali
i otronan
drenta.

Semper bai
den e awa 'ki
mi ke
ku mi ta
mirabu.

Semper bai
mi ke
ku bo ta riba un dje barkunan 
grandi
ku ta drenta.

Semper ku un barku sali
Mi sa sigur
Ku b'a sali
Lagami.

---

Martinus Arion, Frank. Ta Amor so Por: Un Korona Di Poesia Trahá Riba Un Isla  Ku No Ta Eksistí Meimei Di Hulanda Ku Kòrsou. Fundashon Konsenshi Humanista, 2004.