Luis Daal

Silensjo misterjoso a asaltami 
ora ku nèshi di bo awa kla, 
den su abrasa salu i transparente, 
a risibimi 'untu ku lus di solo …

Un mundu indeskriptibl, jen di pas, 
bo tin bòw di bo kweru trasendente: 
serenidat di un shelu tur sembrá 
ku strea ku tá e piskanan bibu; 
i bo pajsahe n' falta nada mas 
ku hende su oló p'é tá kompletu: 
bo tin vegetashon, baranka i bestja 
i, asta, inmensidat di un shelu blow 
ku pas, kjetut, trankilidat sin fin 
rèjnando bòw 'i bo kweru, o lamán !

Ora mi man a toka bo sunú,
temblando velo 'i bo enigma a somentá 
pa, líbr i sin estorbo, ami a drenta
e tèmpl di bo pas jen di misterjo 
na unda m'a bin' haña loke embanu 
mi píanan midiendo tera a buska; 
esta e solushón pa un gran charada 
ku tá e enigma akí ku tá ami mes!

---

Daal, Luis. No ora oradu / Te Juister Stonde. Flamboyant/P, 1976.