Philip A. Rademaker

Kai numa, awa,
pa bo lágrima muha
mi wowo seku.

Kai, pa bo laba
ku bo awa bendita
mi tristu piká.

Laga bo gota
bin toka mi kurason
pa kalma su sla.

Laga bo fresku
su kura bin penetrá
mi alma kansá.

Kai, áwaseru.
Mi tin ratu ta hole
bo tempu será.

Kai pa bo sana
mi spiritu marchitu,
mi kurpa morchá.

---

Rademaker, Philip A. (Fifi). Bos di buriku. Ed. rev ed., Fundashon Planifikashon di Idioma (FPI), 2008.