Louis Philippe Romer

"Here is no water but only rock”
-The Waste Land, T.S. Eliot

Den un mondi straño tin hopi kos, 
Nunka mirá i nunka sintí.
Tin skuridat i poko pida di lus, 
Ku ta pasa dor di e takinan. 
Blanku i Pretu n'sa bira shinishi,
Den e mondi straño aki.

Kue un di e Mikrokosmosnan,
I mira nan sanger flúi,
Den bo man,
Bo por mira dimi tambe, 
Kòrtami lo bo wak.

No tin nos awa den e mondi aki. 
Nos awa no ta transparente mané, 
E awa yen di blachi putri ku tin aki. 
No - nos awa ta pretu.
Mas pretu ku wowo di raton djanochi, 
Pretu, pero asina mes mas transparente, 
Ku kualke riu ku tin aki.

Den e aw'ei bo ta mira e bèrdat, 
Ku ta drumi sunú den fondo.
Porta p'esei nos ta kana tantu, 
Laga sumpiña,
Kòrta pia;
Pa nos rebiba nos doló eterno, 
Kada biaha nos tum'un paso.

Mi ke bai bek den mi awa pretu 
Pa asina su kayente digestími…

---

Römer, Louis Philippe. P’e Flor Pèrdí: It’s Too Late Now. De Curaçaosche Courant, 2004.