Frank Martinus Arion

Mi stima Kòrsou bo sa —
Mainta trempan trempan. 
Yen-yen 'i bida nobo
Mi ta hala mi promé rosea.

Gloria mi kurpa ku awa salu 
I sinti mi mes manera dios 
Riba e di shete dia ora 
El a disidí di sosegá.

Mi stima Kòrsou bo sa —
Tramèrdia: Lagadishi riba pieda —
Riba punta di su rabu ta mirami
I dios a hasi kasnan tur koló di solo.

Atardi Kòrsou ta un yuchi
Den skochi di Laman tirá: su mama. 
Atardi mi tin gan'e sunchi Kòrsou —
Fo'i su kabes te su plant'i pia.

---

Martinus Arion, Frank. Ta Amor so Por: Un Korona Di Poesia Trahá Riba Un Isla  Ku No Ta Eksistí Meimei Di Hulanda Ku Kòrsou. Fundashon Konsenshi Humanista, 2004.