Philip A. Rademaker

(Pa Shon Kolá)

Den mi ardunan
solo ta kore.
Solo
ku sal'i laman
ku bientu kayente.

Wabi
ku baranka
ta mi uña
ku mi wesu
i mi sombra 
riba tera kòrá 
ta pari anglo.

Mi lamento
ta leng'i barí
i kastigu
a bira mi balia.

Mi ta biba
boso bida, 
mi ta hari
boso harí.
Mi ta yora 
boso pena, 
mi ta konta 
boso hasí. 
Mi ta keha,
mi ta kanta,

mi ta paga 
bolbe chispa, 
mi ta skonde
sali spanta, 
mi ta kòrta

kose

bisti

papiamentu.

---

Rademaker, Philip A. (Fifi). Bos di buriku. Ed. rev ed., Fundashon Planifikashon di Idioma (FPI), 2008.