by Richenel Ansano

bo a kimami
ku palabra den bo korant
ku prizòn pa mi kurpa
ku poder kontra mi

bo a kimami
ku desmemoria di mi yunan
ku stempel di baldadi
ku hacha na mi garganta

bo a kimami
bo no a kibrami
mentenan mas hóben
brasanan potente
a faha mi bista
pon’é krusa awa
henter dia, henter anochi
refreská mi memoria di bo:
anke e por destruí pa un ratu
Kandela
No
Sa
Mata
esnan manera mi

Ansano, Richenel. Kolosenshi. Alima, 2010.