Luis Daal

Ajó lamán, mi amigu bon;
lo pasa hopi tem'
promé nos bolbe topa. 
Pero bo sâ
ku aja riba,
den sérunan di Iberia,
lo mi kòrdabu;
ku lo mi keda kòrda
bo kweru blòw,
bo sángr salu
i kantika di bo awa lòw
ku su ritmo fjel
kurtí den mi orea.

Lamán, amigu bon,
bo sâ ku mi n' gusta
jama ajó na mi amígunan. 
P'eséj, di kurasón,
mi tin di bisa awó:
Te aworó, lamán, te aworó …

---

Daal, Luis. No ora oradu / Te Juister Stonde. Flamboyant/P, 1976.