Luis Daal

Lamán, manera tera tambe i bjentu, 
tá un kuna i un graf n'e mesun tem'. 
Tur tres tá punto di origen 'i bida 
- un bida diferente, pero bida - 
i den anchura 'i skochi di tur tres 
Morto ta hana un luga pa dera
un kos ora ku siklo 'i bida kumpli: 
un kurpa, un flor, un pensamentu; 
zonido i muzik, un bestja o Hende ! 
Tur tres, na nan manera, tá origen 
di Bida úniko, kambjante, etèrno!

---

Daal, Luis. No ora oradu / Te Juister Stonde. Flamboyant/P, 1976.