Frank Martinus Arion

Melankolia pretu: 

bayendo bich.

MI TA BAI BICH
huntu kubo
Koba un buraku 
hundu den santu —
p’ami kubo

Pa tur hende
laga nos so
kumisá í kaba
nos lokura
promé ku solo baha

Atardi —
ora laman yena
nos tambe
lo ta yen di otro

Fadá
bo ta lanta
puntra kuant’or —
i stot mi kurpa 
Ku bo pia
na awa

Kansá
mi ta drif bai —
un otro playa.

---

Martinus Arion, Frank. Ta Amor so Por: Un Korona Di Poesia Trahá Riba Un Isla  Ku No Ta Eksistí Meimei Di Hulanda Ku Kòrsou. Fundashon Konsenshi Humanista, 2004.