Frank Martinus Arion

Kantika pa hasi yu soño

M'A KAI DEN SNEU
Bo n' por sakami?

Kai band'e mi antó—
yudami yora.

Si bo por a papia papiamentu 
lo m'a yama bo DUSHI 
pidi bo un sunchi pa sakami 
ma bo n' por bira pretu.

I nan a bisami
I nan a hurami
Si bo kasa ku un muhé blanku
Bo n' por drenta bo tera pretu

M'A KAI DEN SNEU
Bo n' por sakami?

Kai band'e mi antó—
yudami yora.

---

Martinus Arion, Frank. Ta Amor so Por: Un Korona Di Poesia Trahá Riba Un Isla  Ku No Ta Eksistí Meimei Di Hulanda Ku Kòrsou. Fundashon Konsenshi Humanista, 2004.